(1947) Hoy, día del emigrante

link

Salir d’Asturies, doliendo
lo que non se quier dexar:
un resquemor en el alma,
les estrofes d’un cantar,
mermullos de les fontanes
con los ramos de San Xuan;
dexar atrás el Musel
o el Payares… ¡Igual da!
pero llevar con nosotros
les manzanes de mingán
carbón de Llangreo y Mieres,
oles que vienen y van
per el puertu Cudilero,
Ribadesella o Candás.
La custión ya que al salir
en un nuevu caminar,
todo arranca con nosotros:
el regueru y el nozal,
les esfoyaces, la sidra,
los sones del castañar,
la moza que nos dio un besu
una nochi en el portal,
la romería y el ramu
que non pudimos puxar
¡Cuántes coses nos llevamos
al ponemos a emigrar!
La Virxen de Covadonga
también con nosotros va;
y va Uviedo y va Xixón,
y va el Nalón y el Caudal,
Y van les foces bravíes
y van les playes en paz;
y va mió padre y mió madre…
¡Si non marchamos! ¡Qué va!
¡Si tós marchen con nosotros!
¡Non dexamos nada atrás!